Huawei Y7 Prime 2019 نسخة السنة الجديدة

كل تفاصيل الموبايل Huawei y7 Prime 2019 

بالنسبة ل Huawei Y7 2018 بتاع السنة اللى فاتت واللى كان اكتر موبايل اتباع من Huawei وكان اكتر موبايل الناس حبته من الشركة دلوقتى نزل النسخة الاحدث منه او الاصدار الجديد لسنة 2019

مبدأيا شكله متغير جدا وخصوصا الشاشة اللى فيها نوتش صغيرة جدا الWaterdrop Notch وجاى بحواف صغيرة جدا ويعتبر افضل شاشة فى الفئة السعرية دى تقريبا سعره هيكون 3000 جنيه كمان الشاشة جاية بحجم 6.3 بوصة بدقة Hd Plus

من نوع IPS و الحقيقة الشاشة كويسة الى حد ما

اما بالنسبة للتصميم

هنلاقى ان الجهاز جاى كله من البلاستيك وده طبيعى بالنسبة لفئته السعرية وزى ما اتعودنا ان البلاستيك صعب الكسر ولكن مبيديش احساس ان الموبايل Premium خالص ومش هتحس انه غالى فى ايدك عشان البلاستيك بس اهم ميزة انه لو وقع مش هيتكسر بسهولة بس فيه عيب انه بيتخربش بسهولة

كمان الموبايل بييجى بامكانيات غير الشاشة الممتازة

زى مثلا معالج Snap Dragon 450 واللى ممكن تلاقيه فى موبايل فى فئات اقل منه ولكن ان هواوى تحط معالج زيه فى موبايل ب3000جنيه فده يعتبر حاجة مميزة كمان الموبايل جاى برامات بسعة 3 جيجا وزاكرة داخلية 32 جيجا وطبعا ديه مش احسن امكانيات موجودة ولكن هيديك اداء متوازن وممكن يشغل لعبة زى Pubg على اعدادات قليلة ومش هتهنج خالص ويعتبر اداء الجهاز ممتاز بالنسبة لسعره 

اما بالنسبة للكاميرات هنا هنلاقيها حاجة مميزة جدا بالنسبة للفئة السعرية للجهاز

الموبايل بييجى بكاميرتين خلفيتين واحدة فيهم بدقة 15 ميجا بيكسل و التانية بدقة 2 ميجا بيكسل عشان العزل وعشان خاصية ال Depth of Field ولكن المميز فى الكاميرا الخلفية انها بتيجى بفتحة عدسة 1.8 وده يعتبر حاجة ممتازة جدا وزى ما هيظهر فى الصور اللى هتدى اداء ممتاز جدا فى الليل كمان التفاصيل فى الليل مبتضيعش اوى وطبعا ده بفضل فتحة العدسة 1.8 ونفس الموضوع فى النهار  هتديك صور ممتازة و تقدر انك تعتمد علي الكاميرا فى الليل او النهار كمان تفاصيل الصورة الى حد ما هتكون كويسة والوان الصورة هتكون كويسة وبكده نقدر نقول ان الكاميرا دى ممتازة جدا جدا بالنسبة للفئة السعرية ديه مش لأى فئة تانية 

كمان خاصية العزل فى الكاميرا التانية بتشتغل كويس جدا وبتعزل الشخص اللى هتصوره او الشكل اللى هتصوره بشكل كويس جدا ومش هتلاقى قص غلط او حاجة بس لو الاضاءة خفت شوية فالعزل مش هيكون تمام وتفاصيل الصورة بتروح شوية ولكن بغض النظر عن كل الكلام ده فالكاميرا دى ممتازة جدا 

الحاجة اللى بتميز الجهاز ده هيا الكاميرا الامامية مش الخلفية 

هنا الY7 prime 2019 هييجى بكاميرا امامية بدقة 16 ميجا بيكسل واللى تقريبا مفيش موبايل فى الفئة السعرية دى ممكن يقدم كاميرا سيلفى بالجمال ده وتقدر تعتمد عليها فى النهار او الليل 

وبكه نقدر نعتمد على الكاميرات الخلفية والسيلفى فى اى وقت وطبعا هما مش افضل كاميرات ولكن يعتبروا افضل كاميرات هتحصل عليها فى السعر ده خصوصا الكاميرا السيلفى

كمان اللى بيميز الموبايل Y7 Prime 2019 البطارية 

الجهاز بييجى ببطارية بسعة 4000 ميللى امبير واللى ممكن تدى Screen on Time لو وقت عمل شاشة لمدة 8 ساعات ونص يعنى لو نزلت الصبح بالموبايل مشحون ورجعت بالليل هتلاقى ان البطارية مكملة عادى جدا من غير ما تحتاج انك تشحنها فى نص اليوم او تاخد Power bank مثلا فالبطارية هنا ممتازة جدا ومش بس فى الفئة السعرية للموبايل كما احسن من بطاريات تانية كتير فى فئات سعرية اعلى  وطبعا اعلى من بطارية النسخة ال2018 من الموبايل وده يعتبر تطور كبير جدا كمان الموبايل بيشحن Micro USB مش Type c  وبرضه مبيدعمش الشحن السريع و بيشحن من 0 ل 100 فى 3ساعات الا ربع وده رقم مش كتير ولا قليل ولكن طبيعى بالنسبة لجهاز مبيدعمش الشحن السريع 

و طبعا سعره زى ماقلنا 3000 جنيه وده سعر كويس جدا خصوصا من شركة Huawei واللى بتقدملك خدمات بعد البيع ممتازة جدا وكمان الموبايل مش هيفقد سعره اوى لو حبيت تعمله ReSell 

وبكده نكون خلصنا كل حاجة تخص الY7 Prime 2019 ولمزيد من اخبار التكنولوجيا من هنا