Oppo f9 vs Huawei Nova 3i مقارنة العمالقة

مقارنة بين Huawei Nova 3i و Oppo F9

بالنسبة للتصميم 

الحقيقة تصميم الجهازين شيك جدا ولكن تصميم النوفا يعتبر افضل شوية و اشيك وكمان خامات التصنيع افضل من اوببو وخصوصا ان اوببو F9 جاى كله من البلاستيك واللى مش هيديك احساس انه موبايل غالى او Flagshipبس معا الضوء بيدى انعكاس جميل لمثلثات في الضهر واللى تعتبر اضافة جميلة اما بالنسبة لل Nova 3I هنلاقيه انه كله جاى من القزاز وال Frame من المعدن وهتلاقى ان مسكته Premuim وهتحس انه موبايل نضيف وغالى ولكن بالنسبة للتحمل يعتبر الF9 امتن وممكن يستحمل لو وقع عشان هوا من البلاستيك اما ال Nova 3I بما انه قزاز فيعتبر عرضه للكسر اكتر 

و بالنسبة للشاشة 

هنلاقى ان ال Oppo F9 جاى بال Water Drop Notch واللى تعتبر افضل من النوتش العادية اللى جاية فى ال Nova 3I عشان بتخلى الموبايل كله شاشة وفى نفس الوقت مبتاخدس مساحة كبيرة زى النوتش العادية فنقدر نعتبر ان حجم الشاشة فى اوببو افضل ولكن بالنسبة لنوع الشاشة هنلاقى ان الاتنين من نوع IPS والاتنين سطوعهم ممتاز جدا والوانهم ممتازة جدا ومفيش فرق بين الاتنين 

نييجى بقا للكاميرات

الجهازين جايين بكاميرتين خلفيتين بنفس الدقة فى الكاميرا الاولى 16 ميجا بيكسل و التانية 2ميجا بيكسل يعنى تقريبا متشابهين فى الكاميرا الخلفية بس الاختلاف ان Oppo F9 جاى بفتحة عدسة 1.8 عكس ال Nova 3I اللى جاى بفتحة عدسة 2.2 فالOppo F9 على الورق يتفوق فى الضوء الليلى او لو المكان مفيهوش نور ولكن فى الاداء الفعلى للجهازين ده اتفوق فى حاجة وده اتفوق فى حاجة عشان ال Nova 3i يتميز ب AI او الذكاء الاصطناعى والناس اللى مبتحبش تعدل فى صورتها هتلاقى ان الميزة ديه افضل بالنسبالها ولكن الاوببو يتفوق فى خاصية HDR واللى يعتبر ممتاز جدا ومش هتلاقى الضل مضلم جدا او الشمس مفتحة جدا ويعتبر مفيش فرق فى جودة الكاميرتين اما بالنسبة للكاميرا الامامية الاوببو جاى بكاميرا امامية واحدة بدقة 25 ميجا بيكسل و النوفا بييجى ب كاميرتين واحدة بدقة 24 ميجا بيكسل والتانية بدقة 2 ميجا بيكسل عشان تدينا خاصية العزل وبصراحة الكاميرتين بيدو اداء متقارب جدا ويفضل الفرق هوا الذكاء الاصطناعى فى ال Nova 3i وال Dynamic Range الافضل فى الOppo F9 

اما بالنسبة للاداء

فالمعالج اللى فى الNova هوا Kirin 710 الخاص ب Huawei اما ال Oppo فبييجى ب Mediatech P60 زى اللى جيه فى ال F7 ويعتبر مفيش فرق اوى فى سرعة فتح البرامج ما بين الجهازين واداء الجهازين عالى جدا والفرق الوحيد ان ال Oppo F9 جاى ب 64 جيجا ذاكرة داخلية و 4 جيجا رام او 6جيجا اما ال Nova 3i جاى ب128 جيجا بايت ذاكرة داخلية و 4 جيجا رام فلو بتدور على المساحة النوفا هيكون احسن اختيار ده غير ان الاوببو بيجى ب 3Slot Design وهو مكان شريحتين و كارت ميمورى على عكس النوفا اللى بييجى ب Hybrid SIM

وتجربة الالعاب

بالنسبة ل Nova 3i بفضل الGPU Turbo اللى فيه يتفوق على Oppo F9 بحاجات بسيطة وFrames بسيطة جدا فى الالعاب زى مثلا لعبة Asphalt 9 او Pubg هنلاقى ان سرعة فتح اللعبة اسرع شوية والاداء افضل شوية فى اللعبة بحاجات بسيطة بس برضه ده يحسب للNova 3i

اما بقا بالنسبة للبطارية 

هنلاقى ان الHuawei Nova 3i جاى ببطارية سعة 3340 ميللى امبير و الOppo F9 بييجى ببطارية بسعة 3500 ميللى امبير وده فرق هنلاحظه فى وقت عمل الجهازين يعنى هنلاقى ان الاوببو ممكن يديك 8 ساعات ونص من وقت عمل الشاشة اما النوفا ممكن يديك 6 او 7 ساعات بالكتير ده غير ان خاصية الشحن السريع مش هنلاقيها فى Huawei Nova 3i واللى ممكن يشحن فى ساعتين وتلت بس موجودة فى Oppo F9 وممكن يشحن فى ساعة وتلت وبكده يعتبر ان البطارية والشحن السريع لصالح الاوببو 

واخر حاجة هنتكلم عنها هيا السعر و الBrand

وهنلاقى ان سعر Huawei Nova 3i يتراوح بين 4700 الى 4900 جنيه وبالنسبة لل Oppo F9 سعره لنسخة ال4 جيجا رام بتتراوح بين 5000 ال 5500 و النسخة ال6 جيجا بايت رام بتتراوح بين 5500 الى 6000 جنيه اما لو بصينا على ال Brand هنلاقى ان Huawei تتفوق شوية على Oppo من حيث خدمات ما بعد البيع ومن حيث توفر الاكسسوارات واعادة البيع لأن Oppo بتنزل الموبايل وبعدها ب 4 شهور بتنزل غيره فبيضيع سعر الموبايل الاول ويبقى صعب انك لو اشتريت موبايل تبيعه تانى عشان بيكون نزل نسخة احسن ده غير ان لوبصينا لترتيب ال Brands هنلاقى ان Huawei فى مصر اعلى من Oppo وكمان نفس الترتيب بره مصر ده مش معناه ان اوببو شركة وحشة لا بالعكس هيا شركة ممتازة جدا وخدمات بعد البيع ممتازة ولكن هواوى ليها شعبية اكتر 

وبكده نبقى شرحنا بالتفصيل كل مميزات وعيوب الجهازين و لمتابعة كل جديد فى عالم التكنولوجيا ادخل هنا