Redmi Note 7 المواصفات الكاملة وعيوب ومميزات وسعر

اول حاجة هنتكلم عنها هي التصميم 

الموبايل بييجى بتصميم  حوافه قليلة زى كل الموبايلات الجديدة دلوقتى لكن الحلو ان ريدمى صغرت النوتش  وحطت الWater Drop Notch اما الشاشة 6.3 بوصة من نوع IPS HD بدقة 2340 x1080  والموبايل تصميمه يعتبر نسخة من Mi PLay اللى شاومى اعلنت عنه من فترة قريبة واللى شكله اساسا يعتبر خليط مابين Mi8 Lite و Honor 10 Lite الموبايل من الضهر قزاز ولونه متدرج وكمان الحلو ان الموبايل بيستحمل وقعات و خبطات لدرجة انهم عملو فيديو لناس بتعدى على الموبايل وبيدوسو عليه ولكن ده مايعتبرش مقياش عشان موضوع التحمل ده نسبى مش شئ ثابت ده غير ان الشاشة من قدام عليها طبقة حماية Gorilla glass الجيل الخامس وبكده يكون ممتاز جدا من ناحية التصميم والحماية بالنسبة لسعره وتطور كويس فى وجود المعدن اللى مكانش موجود فى Note5 ,Note 6 اما النقطة اللى ممكن نقف عندها من التصميم ان الحافة السفلية للموبايل تعتبر كبيرة نسبيا 

الالوان 

الموبايل بييجى ب 3 الوان  لون ازرق ولون بنفسجى ولون اسود 

اما بالنسبة للمواصفات الداخلية 

الموبايل جاى بمعالج Snap Dragon 660 معا 3 او 4  او 6 جيجا رام بمساحات داخلية 32 او 64 جيجا 

وبكده تبقى مواصفات جبارة وممتازة جدا فى فئته السعرية و المعالج قوى الى حد ما  وقليل اننا نشوف نسخة 6 جيجا  رام فى الفئات السعرية ديه والملاحظات انه اتطور من ناحية الاندرويد الPIE بواجهة شاومى MIUI 

 واحد نقاط قوة الموبايل هيا الكاميرا 

الموبايل فيه كاميرتين خلفيتين واحدة بدقة 5 ميجا بيكسل لخاصية العزل اما الكاميرا التانية وهيا اللى تعتبر افضل حاجة فى الموبايل جاية بدقة 48 ميجا بيكسل و بتقدم افضل اداء فى التفاصيل الكتيرة او حجم الصورة الاكبر لكن السينسور بييجى بخاصية Quad per والخاصية دى بتجمع 4 بيكسلات معا بعض عشان تطلع صورة نهائية 12 ميجا بيكسل الميزة فيها انها بتحسن الصورة جدا فى الاضائة المنخفضة  وبتصور فيديو لحد 1080P وحتى 120 Frame/s وبييجى بكاميرا سيلفى بدقة 13 ميجا بيكسل واللى تعتبرالى حد ما معقولة 

اما بالنسبة للبطارية

الموبايل بييجى ببطارية بسعة 4000 ميللى امبير بتشحن عن طريق USB Tybe C وده يعتبر بداية كويسة جدا 

اخر حاجة السعر واللى يعتبر اكبر مفاجأة بتقدمها ريدمى 

الموبايل جاى بسعر يبدأ من 150 دولار لنسخة ال3 جيجا رام وبيرتفع لحد 200 دولار لنسخة 6 جيجا رام 

وبكده تبقى بداية قوية جدا للشركة واول موبايل فى براند Redmi

ولمزيد من اخبار التكنولوجيا ادخل هنا