Samsung Galaxy S10 الفئة الجديدة من الفلاج شيب جلاكسى

هنتكلم عن كل التفاصيل اللى تخص عائلة Samsung Galaxy S10

واللى من المقرر ان يوم 20 فبراير من العام الحالى 2019 ينزل 3 موبايلات من العيلة الجديدة وهنتكلم عنهم بالتفصيل

و الجدير بالذكر ان الفئة رقم 10 من S ظهرت بعد مرور 10 سنين على اطلاق اول هاتف من Galaxy s

اول فرد فى العيلة هوا Samsung Galaxy S10 Lite

وده يعتبر النسخة الخفيفة من الموبايل الرئيسى S10 والموبايل هيكون اقلهم فى السعر ومن المقرر انه ييجى بشاشة 5.8 انش اما بالنسبة للتصميم هنلاقى ان الموبايل معاه تصميم الكاميرا الامامية محفورة فى الشاشة من غير نوتش وده بيفكرنا بالتصميم اللى اتكلمنا عنه قبل كده فى موبايل Honor View 20 

وكمان مقرر ان الجهاز هييجى بكاميرا امامية واحدة زى ال S10 و على عكس ال S10 Plus اللى هييجى بكامرتين اماميتين 

وكمان الاطارات هتكون نحيفة جدا والحواف صغيرة فى الفئة كلها ومن الضهر هنلاقى ان التصميم جاى مشابه ل Galaxy S9 

بس الاختلاف هيكون فى شكل الكاميرات و عددها 

وبالنسبة للكاميرا الخلفية هنلاقى ان الموبايل بكاميرا مزدوجة على عكس Samsung Galaxy S10 و Samsung Galaxy S10 Plus اللى التسريبات بتقول انهم هيبقى فيهم 3 كاميرات 

و بالنسبة للمواصفات الجهاز جاى بمعالج Exynos9820 وده بالنسبة لنسخ الدول العربية اما النسخة التانية هتيجى بمعالج Snapdragon 855 و ده بالنسبة لل3 موبايلات مش S10 Lite بس

و الرامات هتبقى 6 جيجا او 8 جيجا بايت حسب نسخة المساحة واللى بتكون اما 125 جيجا او 512 جيجا بايت و البطارية هتكون 3100 ميللى امبير 

تانى موبايل معانا هوا Galaxy s10

واللى بييجى بشاشة 6.1 انش من نوع OLED وطبعا نفس تصميم ال S10 Lite ونفس الكاميرا المحفورة فى الشاشة واللى بتكون كاميرا امامية واحدة و 3 كاميرات فى الخلف بحيث يكون فى عدسة مزدوجة و واحدة تالتة بكاميرا فائقة معا فتحة عدسة WIDE ومن المرجح ان الكاميرا المزدوجة هتبقى بدقة 12 ميجا بيكسل اما الكاميرا الثالثة فهتبقى بدقة 16 ميجا بيكسل 

اما المواصفات هتكون نفس المعالج اللى فى S10 Lite و نفس الرامات و المساحة التخزينية الاختلاف هيكون فى البطارية واللى هتكون بسعة 3500 ميللى امبير او 4000 ميللى امبير 

اخر موبايل فى الفئة دى واللى يعتبر الاهم والاغلى فى العيلة الجديدة S10 هوا Galaxy S10 Plus 

النسخة الاعلى من الفئة وطبعا الاغلى واللى هينفرد بمواصفات مش موجودة فى الاجهزة التانية زى الشاشة اللى هتكون 6.4 انش 

و الكاميرا الامامية المزدوجة على عكس الجهازين التانيين و الكاميرا الخلفية فى تسريبات بتقول ان النسخة ديه هتكون ب 4 كاميرات خلفية بس ده لسه متحددش بس لو كلام حقيقى هتكون اضافة رائعة جدا للجهاز اللى اصلا مواصفاته جبارة 

وطبعا هييحى بنفس المعالج Exynos 9820 زى الباقيين اما الرامات هتكون 6 او 8 وممكن يكون 10 جيجا بس لسه مفيش تأكيد ام المساحة التخزينية هنلاقى انها نفس المساحة 125 او 512 جيجا بايت لكن معا اضافة رهيبة واللى هيكون فيه منه نسخة 1Tera Byte وكمان بتدعم شبكات الجيل الخامس 5g وهتكون النسخة الاعلى ولكن هتكون فى اماكن محددة زى كوريا وألمانيا والولايات المتحدة الامريكية اما البطارية فهتكون 5000 ميللى امبير

بالنسبة للمميزات التقنية

اكيد هنلاقى مميزات زى مقاومة الماء والشحن السريع والشحن اللاسلكى فى جميع النسخ من الفئة الجديدة S10

لكن النسخة S10 Lite و S10 Plus هينفردو بمستشعر بصمة مدمج فى الشاشة على عكس نخة S10 Lite اللى هتيجى معا بصمة تقليدية ده غير ان مفيش اخبار عن بقاء مستشعر قزحية العين وممكن نلاقى ان سامسونج استغنت عنه وكمان فيه تسريب ان سامسونج هتضيف خاصية Power Share واللى بتدى امكانية تحويل جهاز S10 لشاحن لاسلكى للاجهزة الاخرى 

اما بالنسبة للسعر فهو لسه متحددش لحد دلوقتى وللمزيد من الاخبار المتعلقة بالتكنولوجيا تابعونا من هنا