على تابلت الثانوية العامة وهل ممكن يشغل لعبة Pubg

طبعا كلنا عارفين موضوع التابلت اللى هيتسلم فى المدارس طبقا لمنظومة تطوير التعليم فى الثانوية العامة واللى تقريبا هيبقى Samsung Galaxy A 2016 او زى ما بعض الناس بتسميه A 6 و النهاردة حبينا نتكلم عن امكانياته

فى نسختين من التابلت نسخة ال7 بوصة ونسخة ال10 بوصة بس لسه مش معروف اللى هيتسلم هوا ال10 ولا ال7 بس احتمال بعض المدارس يروحلها 10 و بعض المدارس يروحلها 7 بوصة

طبعا المفروض ان ال Tablet ده امكانياته متوسطة اكيد مش Flagship ولا حاجة عالية

وهييجى بشاشة Full HD Plus 1920X1200 ده للنسخة ال10 بوصة وفى النسخة التانية هيبقى اقل فى الResloution 

المواصفات الداخلية و الاداء

 هيبقى 3 جيجا رامات ومساحة تخزين 32 جيجا واحتمال انه ممكن يبقى 16 جيجا 

وبييجى بمعالج Exynoz 7870 Octa

وطبعا هتبقى فيه حاجات كتير مقفولة وعشان كده هنوضح ايه اللى مقفول وايه اللى مفتوح 

طبعا مفيش FingerPrint ومفيش بصمة الوش وده طبعا عشان التابلت ده قديم نسبيا 

و أول ما التابلت هيفتح لأول مرة هيكون مقفول بحاجة اسمها Samsung Knox وده هوا برنامج الحماية بتاع سامسونج اللى الحكومة هتستغله فى قفل الحاجات اللى مش هتحتاجها او فى وقت الدراسة او وانتا فى الفصل مش هتفتحها زى الكاميرا مثلا او تفتح Pubg وتلعبها وممكن بعد اوقات معينة الحاجات دى تتفتح او لأ لسه مش عارفين

اما بالنسبة لقوة الجهاز نفسه 

طبعا التابلت مش هيهنج خالص فى فتح الPDF او اى نوع من ال Documents وكل حاجة لتفتح فى لحظة وكمان الشاشة الكبيرة هتساعد اوى فى القراية وفى عرض الكتب عليه وهتشوف اى حاجة عليه من غير اى مشاكل وممكن تنتقل بين صفحات الكتب بسرعة من غير اى تعليق او بطئ 

طبعا الخطوة اللى جاية للطلاب انهم يفتحوا الPlay Store 

اكيد اى طالب هيجرب ينزل اى لعبة على التابلت زى Pubg مثلا بس لما جربنا كده ملقينهاش فى ال Search وكمان لما هتاخد اللعبة من مصدر خارجى زى Share It مثلا اللعبة هتفتح معاك بس للأسف مش هتدخل وهتيجى رسالة ان الجهاز مش بيدعم اللعبة ودعه طبعا عشان امكانيات التابلت متوسطة الى حد ما بس ممكن يشغل اى Apps تانية من غير مشكلة او العاب تانية 

اما بالنسبة للحاجات المقفولة والحاجات اللى ممكن تفتحها

بس طبعا نظام الKnox هيبقى قافل حاجات كتير زى مثلا الكاميرا و ال Play Store وهيكون فيه Applications محددة بس هيا اللى تقدر تفتحها زى مثلا انك ممكن تفتح فيديوهات على اليوتيوب واللى هيشتغل معاك بسلاسة خصوصا فى وجود الشاشة الكبيرة  وممكن تفتح تطبيق المتصفح زى Chrome ومن عليه تفتح موقع بنك المعرفة اللى هيكون عليه كل المناهج وتقريبا  الامتحانات اللى هتيجيلك Notifications وكل الحاجات دى المفروض الطالب بيعرفها فى اول يوم دراسة 

طبعا هوا مش معمول للعب زى ما وضحنا والهدف منه هوا تطوير التعليم وتسهيل امكانية الحصول على الكتب او المراجع الدراسية وبصراحة الاداء حلو جدا و ك Tablet دراسى يعتبر خطوة ممتازة والحكومة اتصرقت صح خصوصا ان الطلاب هتستفيد فعلا من خطوة التطوير ديه 

وللمزيد من الاخبار المتعلقة بالتكنولوجييا تابعونا من هنا