سعر ومواصفات Xiaomi Redmi Note 7

الشاشة : 

 الموبايل شكله لطيف بيجي مع نوتش صغيره جدا فوق فيها الكاميرا الاماميه الحواف صغيره جدا زي مانتوا شايفين والموبايل بيجي ب 3 الوان الازرق والبنفسجي والاسود مقاس الشاشه 6.3 انش شاشه كبيره FULL HD PLUS   من نوع LCD 

البروسيسور : 

 سناب دراجون 660 الرام بيكون 3 او 4 او 6 جيجا بايت رام اما البطاريه فهي قويه جدا 4000 ملي امبير وبتتشحن عن طريق مدخل USB C  ودي حاجه مميزه جدا وكمان بتدعم الشحن السريع 

الكاميرا :

 الخطير بقي في الريدم ي نوت 7 انه بيجي مع كامرتين الكاميرا الاساسيه 48 ميجا بيكسل بسنسور من انتاج شركة سوني العملاقة وبيجي مع فتحه عدسه F 1.8  

السنسور ده بيجي مع خاصيه اسمها كواد بير الخاصيه دي بتجمع اربع بيكسلات مع بعض عشان تطلع صوره نهائيه 12 ميجا بيكسل الميزه في الالخاصيه دي انها بتحسن جدا التصوير في الاضاءه المنخفضه وهو ده اللي كل الناس عايزينه في الكاميرات 

طبعا الكاميرا هتدعم خاصيه ال HDR اما الكاميرا الاضافيه بتكون 5 ميجا بيكسل ووظيفتها الاساسيه البورتريه والعمق 

اما الكاميرا الاماميه في ريد مي نوت 7 فهي 13 ميجا بيكسل 

السعر :

لو اتكلمنا عن سعر الموبايل فهو بيبدأ ب 150 دولار لنسخه ال 3 جيجا رام وبينتهي عند ال 200 دولار للنسخه ال 6 جيجا رام