Android 10 (Q) احدث نظام اندرويد من شركة جوجل

10 مميزات متوقعة فى نظام (Android 10 (Q الجديد

فى الوقت اللى بينتظر فيه بعض الناس نزول نظام  Android pie على موبايلاتهم لقينا ان شركة Google بدأت بالفعل فى العمل على الاصدار الجديد من Android 10 واللى اسمه هيكون Q واللى متوقع هنلاقى فيه مميزات كالتالى 

اولا الوضع الليلى :

حسب التسريبات اللى نشرها احد الاعضاء فى منتدى XDA Developers ان الوضع الليلى هيكون احد اهم الاضافات اللى هيتم وضعها فى النظام والميزة تعمل من خلال Theme اسود على النظام على بشكل مباشر و على التطبيقات طبعا ده هيحمى عيون المستخدم عند استخدام الموبايل فى الليل بالاضافة انه هيقلل استهلاك البطارية بالنسبة للموبايلات اللى  شاشاتها  من نوع OLED وممكن الميزة دى تتفعل اما بشكل دائم او تلقائى فى اوقات معينة فى اليوم 

ثانيا خصوصية اكتر :

جوجل مازالت بتركز فى نظامها على مسألة الاذونات و بتحاول اصلاحها وتحسينها فى كل تحديث عشان تخلى المستخدم محمى من التطبيقات التجسسية و فى نظام اندرويد Q هنلاقى ان جوجل بتعمل على التحكم فى الاذونات بشكل اكبر وافضل من الانظمة اللى فاتت ده غير انه مش هيسمح لأى تطبيق باستخدام الاذونات ديه وهو مش مفتوح وبكده مش هيفضل التطبيق عارف موقعك او يستخدم Microphone من غير علمك وديه ميزة مفيدة جدا خصوصا للى بيهتمو بالخصوصية ده غير انها برضه هتساعد فى زيادة عمر البطارية 

ثالثا وضع ال Desktop :

معا الميزة ديه هيبقى فى امكانك تغيير واجهة الموبايل الى واجهة سطح مكتب رئيسية مشابهة للكومبيوتر معا قايمة ابدأ وامكانية التحكم فى حجم نوافذ التطبيقات بالاضافة الى دعم وصول الهاتف بشاشة كبيرة وتوصيله برضه ب Mouse  و Keyboard

ده غير انك مش هتكون بحاجة للاكسسوارات تحول الموبايل لسطح مكتب زي جهاز DeX اللى بتقدمه Samsung لمستخدمى هواتفها 

رابعا Options اكتر فى قسم الDevelopers :

ال Developers Options يقدم خيارات رائعة للعايز يحسن الموبايل او تفعيل ميزات اضافية وهنلاقى فى Android Q من المحتمل ان هيتضاف خيارات عديدة وجديدة ومن بينهم خيارت تم تسريبهم زى امكانية فتح عدة تطبيقات فى وقت واحد و التحكم فى نوافذها بحرية اكتر من Android p

خامسا خيارات جديدة لميزة Smart Lock :

ميزة Smart Lock تعتبر من الاضافات الرائعة اللى تم اضافتها فى تحديث Android Lollipop

 او اندرويد 5 واللى بتسمح للمستخدم بقفل الموبايل وحمايته بطريقة ذكية عن طريق المستشعرات الموجودة فى الجهاز ويمكن قفل الموبايل او الغاء القفل من تلقاء نفسه بشكل مباشر فى ظروف او مواقف معينة ومعا اندرويد Q الجديد تم اضافة خيارين جديدين لميزة Smart Lock الاول بيسمحلك بتوسيع فترة الغاء قفل الجهاز وعدم حصرها فى مدة قصيرة اما التانى فبيسمحلك بقفل الموبايل بمجرد ما بيبعد عن جهاز تم ربطه بيه قبل كده

سادسا خيارات امكانية الوصول او Accessibility:

قسم امكانية الوصول هو كمان هيتم اضافة Options جديدة عليه واللى بتساعد المستخدم ومن اهمها Time To Take Action واللى بتسمح للمستخدم تحديد مدة عرض الرسائل اللى بتتطلب منك اجراء معين وبرضه فى خيار Time To Read واللى ممكن من خلاله  تحديد المدة اللى بتحتاجها لقراءة رسائل المهام اللى بتختفى تلقائيا 

سابعا دعم الشاشات المتعددة :

من المتوقع برضه ان Android 10 بيدعم امكانية الاتصال بشاشة خارجية و الاستمرار فى استخدام كلتا الشاشتين فى مهام مختلفة زى فى Galaxy Note 9 و Galaxy Tab S4

ثامنا تعطيل المستشعرات :

و الميزة دى بتمكنك من تعطيل ووقف كل مستشعرات الجهاز اللى سابقا كان يتعزر ايقافه زى مستعرات Gyroscope  و Accelerometer و الخ  و ممكن تساعد الميزة ديه فى ربح عمر بطارية اكبر فى الطوارئ او او المواقف الحرجة 

تاسعا تطبيق الملفات :

من المحتمل ان يتم اجراء تحديثات طفيفة تطبيق الملفات اللى بييجى معا النظام ومن ابرز التحديثات ديه هيا امكانية البحث بسهولة بداخله عن طريق اداة التصفية اللى بتقوم بعرض الحاجة اللى المستخدم عايزها حسب الصور او المستندات او الصوتيات او الفيديوهات 

عاشرا و اخيرا تسجيل شاشة الموبايل فيديو او Screen Video Recorder :

معا نظام الاندرويد الجديد هيبقى بامكانك تسجيل فيديو لشاشة الموبايل من غير برامج وبشكل مباشر من النظام ورغم ان الميزة ديه موجودة من قبل كده فى موبايلات زى Xiaomi و Huawei بفضل الواجهات اللى بتقدمها الشركات ديه الا انه من الافضل ان تكون الخدمة مقدمة من شركة Google نفسها 

وديه كانت كل التسريبات اللى عن النظام الجديد تابعونا لمعرفة كل جديد عن النظام او اجدد اخبار التكنولوجيا من هنا