Samsung Galaxy A9اول موبايل في العالم ب اربع كاميرات

اولا الكاميرات الخلفية :  

الكاميرا الاساسيه هنا 24 ميجا بيكسل بفتحه عدسه f1.7

الكاميرا التانيه 10 ميجا بيكسل وفتحه عدسه 2.4 

الكاميرا التالته هنا وظيفتها بس انها تعمل تحديد للاطراف او تقرا معلومات العمق وبتيجي بسنسور صغير جدا 5 ميجا بيكسل وفتحه عدسه 2.2 

الكاميرا الاخيره وهي الكاميرا الالترا وايد ال 8 ميجا بيكسل بفتحه عدسه 2.4 واللي تقدر بيها تاخد صوره واسعه جدا 

في الاضاءه العاليه الصور بتكون شارب جدا الوانها ممتازه ولكن للاسف ال contrast  هنا قليل جدا 

الكاميرا بتميل انها تعلي الاضاءه في الصوره بحيث انها تكون brighter او منوره اكتر 

وده بياثر طبعا علي جوده الصوره فبتلاقي سعات الهاي لايتس والحتت المنوره زي السما تفرقع وتلسع وده يعتبر عيب  في الموبايل ده 

اما في الاضاءه الضعيفه الصور كويسه جدا بسبب فتحه العدسه الواسعه هي اينعم بتكون صور soft  ومش sharp خالص 

ولكن كميه الnoise  بتكون قليله جدا في الصور العاديه 

الصور ال ultrawide في الاضاءه العاليه هي تعتبر شارب وفيها الوان حلوه ولكن 

للاسف الديناميك رانج سيء للغايه وكمان مفيش contrast اوي 

والاسواء من ذلك هو ال noiseانا مش فاهم ازاي الكاميرا في عز اضاءه الشمس وفيها noise ?? 

ولكن علي الجانب الايجابي :  

لو اتكلمنا عن العزل الموبايل هنا بيعزل الاطراف بشكل دقيق جدا جدا ودي اهم ميزه في التليفون ده لانه بيعمل العزل بالكاميرا الاساسيه وده اللي مخلي العزل كويس جدا ودقيق

الكاميرا الاماميه (السيلفيهات) :  

طبعا السيلفي هنا هيكون حلو جدا بسبب الكاميرا ال 24 ميجا بيكسل الاماميه الصور بتطلع في الشمس شارب جدا يمكن احسن كاميرا سيلفي نزلت في موبايل سامسونج 

المواصفات الداخلية : 

المعالج سناب دراجون 660 

رام 6 جيجا 

المساحة الداخلية 128 جيجا 

بطارية 3800 ملي امبير 

التصميم : 

تصميم الموبايل مريح جدا بس الموبايل كبير يعنى هتستخدمه بايدك الاتنين مش بايد واحده 

طبعا الموبايل بدون ايدج والماتريال بتاعه مش زجاجي لكن هو بلاستيك نضيف جدا في الضهر بيجي قاريء البصمه وهو بطيء نوعا ما - مدخل الشاحن USB C  ودي حاجه هايله جدا اما السماعه الخارجيه فهي قويه جدا وصوتها نقي جدا جدا والصوت فيها متوزع ومتقسم 

الشاشة :  

حجم الشاشه 6.3 انش سوبراموليد  

 FULL HD PLUS 

السعر : 

السعر 9500 ج بما يعادل 520 دولار